Ол өзі жүргізген зерттеуге сүйеніп, балалар мен жасөспірімдердің 35%-ы компьютерлік ойынға қызықпайтынын, ал 7%-ы компьютерлік ойындарды интернеттен сатып алып ойнайтынын мәлімдеді.
"Гендерлік тұрғыдан қарастырсақ, компьютерлік ойындарды сатып алатындардың 70%-ы – ер, 30%-ы – әйел адамдар. Олар айына ең кемі 500 теңге жұмсайды. Жас айырмашылығына келетін болсақ, 13-15 және 16-17 жас аралығындағы оқушылар компьютерлік ойынға 500 теңгеден кем емес, ал 17-18 жас аралығындағы жасөспірімдер 3 мың теңгеден астам ақша шығындайды. Яғни жасы ұлғайған сайын жұмсайтын қаражаты көбейе береді", – деді PhD докторант.
Сымбат Қалдыбек респонденттердің 20,43%-ы – компьютерлік ойынды бос уақытын қысқарту үшін, 14,9%-ы – байқампаздығы мен жылдамдығын арттыру үшін, 13,39%-ы – басқа әлемді сезіну үшін ойнайтынын жеткізгенін жариялады.
"Оқушылар мен жасөспірімдердің басым бөлігі Free fire виртуалды ойынын ойнайды. Бұл – 50 ойыншының тірі қалу құқығы үшін күресетін ойын.
Көпшілікті ойынның стратегиялық тұсы қызықтырады", – деді PhD докторант.
Қанат Махамбет
