Оқушыларға демалыс күндері үй тапсырмасы берілмейтін болады

1236

Оқушыларға демалыс күндері үй тапсырмасы берілмейтін болады

Оқушылардың үй тапсырмасын азайту керек. Бұл туралы Мәжілістегі Үкімет сағатында ҚР Білім және ғылым министрі Ерлан Сағадиев айтты, деп хабарлайды strategy2050.kz.

"Біздің оқушылар үй жұмысына жұмсалатын уақыт бойынша 65 мемлекет ішінде 4-ші орын алады. Халықаралық талдау нәтижелері үй тапсырмаларының көлемі мен білім жетістіктері арасындағы тура ара қатынастың жоқтығын көрсетеді. Оқыту процесін дұрыс жолға қойған жағдайда үй жұмысы көлемін азайтуға болады. Оны азайтуымыз қажет", – дейді Ерлан Сағадиев.

Министрдің айтуынша, аталмыш  мәселемен мұғалімдер мен мамандардан құралған екі ауқымды тобы айналысқан.

"Бұл жерде екі нұсқа ұсынылды. Үй жұмысын барлық пәндер бойынша азайтып беру немесе тапсырмалар тек кейбір пәндер бойынша ғана беру. Екі жағдайда да үй жұмысын орындау уақытын орта есеппен күніне бір сағатқа азайтып, демалыс күндері мүлде берілмейді. Бүгінде бұл мәселе педагогтар мен ата-аналардың жаппай талқылауына ұсынылды", – дейді Ерлан Сағадиев.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу