Әлеуметтік желіде Ұлттық Олимпиада комитетінің президенті Геннадий Головкин ұлын аккредиттеуден өткізіп, Париж Олимпиадасына алып барды деген ақпарат тарады, деп хабарлайды inbusiness.kz сайты.
Саясаттанушы Талғат Қалиев, биыл Париж Олимпиадасына баруға тиіс адамдар аккредитациясыз қалғанын айтады.
“Париж Олимпиадасының ойындарында Ұлттық олимпиада комитетінің президенті Геннадий Головкиннің ұлы аккредиттеуден өткенін білдіретін бейджбен отырғанын айтуда. Головкин қазақ спортына ең мықты америкалық тәсілдерді, стандарттарды және дәстүрлерді енгізеді деп ойлаған едік. Алайда ол ескілікті күшейтуді әрекет етіп жатқан сияқты. Биыл Олимпиадаға баруға лайық болған көптеген шенеуніктер аккредитациясыз қалды. Ал Головкиннің ағасы мен ұлы олимпиада тамашалауға кетті”, – деп жазды ол.
Ал журналист Михаил Козачковтың айтуынша, комитет өкілі Жанар Өтешова Олимпиадаға тек керек адамдар іріктелгенін алдын ала мақтанышпен хабарлаған.
“Олимпиададағы күлкілі жағдай. Ойын қарсаңында Ұлттық Олимпиада комитетінің Бас хатшысы Жанар Өтешева өзінің Telegram-арнасында Парижге делегация құрамымен ең қажет адамдар ғана баратынын айтты. Ол артық жолаушыларға аккредитациядан бас тартылғанын мақтанышпен хабарлаған еді. Ол тек спортшыларды, жаттықтырушыларды, менеджерлер мен спарринг серіктестерді қабылдадық деген еді. Бірақ Олимпиада ойындарын қарап отырсам, Ұлттық Олимпиада комитетінің президенті Геннадий Головкиннің ұлын көзім шалды. Неге екені белгісіз, оның мойнында бейдж бар. Бұл аккредитациядан өткенінің белгісі болса керек. Осы орайда мынадай сұрақ туады: ол біреудің спарринг серіктесі ме әлде жаттықтырушы ма?”, – деп жазды журналист.
Айта кетейік, бұған дейін Париждегі Олимпиада ойындарына қатысатын Қазақстан делегациясына 900 миллион теңгеге жуық қаржы бөлінген еді. Қазақстандық делегация құрамында Париждегі Олимпиада ойындарына 209 қазақстандық баратыны да айтылған.
