"Экспорт көлемі 32 млрд долларға жетті. Өңделген тауар экспорты 23,4%-ға өсіп, 10,4 млрд долларды құрады. Тауар импорты 21,7 млрд долларды құрады. Сауда балансы 10,4 млрд доллар деңгейінде қалыптасып, оң нәтиже көрсетті", – деді Әсет Ерғалиев.
Министрдің мәлімдеуінше, өңдеу өнеркәсібінде тұрақты өсу үрдісі сақталып тұр. Ал өндіріс көлемі 5,8%-ға өсті.
"14 өңір бойынша оң өсу көрсеткіші тіркелді. Ең жоғарғы өсу Алматы қаласында, сондай-ақ Алматы және Қызылорда облыстарында байқалуда. Өңдеу өнеркәсібі салалары бойынша фармацевтикалық өнім өндіру – 40,8%, машина жасау – 23,9%, оның ішінде автомобиль жасау – 34,2%, вагондар мен локомотивтер өндірісі – 48,9%, құрылыс материалдары – 11,6%, пластмасса бұйымдары – 26,5%, дайын металл бұйымдары – 18,6%, киім – 16,3% және жиһаз – 16% деңгейінде серпінді өсуді көрсетіп отыр", – деді Әсет Ерғалиев.
Қанат Махамбет
