Оның сөзінше, өңдеу өнеркәсібінің өнімділігі бойынша 15 өңірде өсім тіркелді. Алматы қаласы, Алматы және Қызылорда облыстары көш бастады.
"Өңдеу өнеркәсібі салалары бойынша машина жасау өндірісі 18,5, оның ішінде автомобиль жасау – 21,3, вагон мен локомотив өндірісі – 56,7, сондай-ақ құрылыс материалдары – 9,2, дайын металл бұйымдары – 18,1, пластмасса бұйымдары – 41,4, фармацевтикалық өнімдер – 27,9, жиһаз – 9,7, киім 8,7% деңгейінде серпінді өсім көрсетті", – деді Әсет Ерғалиев.
Министрдің мәлімдеуінше, тау-кен өнеркәсібінде өсім қалпына келіп жатыр. "Есептік кезеңде тау-кен өнеркәсібінің өндіріс көлемі 0,8% -ға артты", – деді Әсет Ерғалиев.
Оның айтуынша, шикі мұнай, газ және өзге де пайдалы қазбаларды өндіру салаларында өндірістің теріс көрсеткіші сақталып тұр.
Қанат Махамбет
