Өңірлік коммуникациялар қызметінде өткен онлайн брифингте Алматы қаласы Кәсіпкерлік және инвестициялар басқармасының басшысы Еркебұлан Оразалин осылай деп мәлімдеді.
Оның айтуынша, жыл басынан бері Алматыда 4 жоба жүзеге асырылған. Сонымен қатар жыл соңына дейін 10 жобаны іске қосу және жүзеге асыру жоспарлануда, оның 8-і индустриялық аймақта болады.
"Алматы қаласының индустриялық аймағын дамыту есебінен өнеркәсіп саласында инвестициялардың өсуі байқалады. Бізде таяу жылдары қаланың тұрақты дамуын қамтамасыз етуге мүмкіндік беретін ірі жобалар бар", – деді басқарма басшысы.
Еркебұлан Оразалиннің айтуынша, өндіріс саласында және жалпы өндіріс көлемінде де тұрақты өсім байқалады. Қазіргі кезбе ол 3,2% өсіммен 712,3 млрд теңгені, сондай-ақ өңдеу өнеркәсібінде 568 млрд теңгеге немесе 103,1% - ды құрады. Мұнда фармацевтикалық өнеркәсіптің үлесі жоғары (152%).
Сонымен қатар өңдеу өнеркәсібінің мынадай кіші салаларында да өндіріс көлемі артты: сусындар өндірісі – 48,5 млрд теңге немесе 108,1% (үлесі – 6,8%); қағаз және қағаз өнімдері өндірісі – 15,4 млрд теңге немесе 206,6% (үлесі – 2,2%). Сондай-ақ өзге де металл емес минералдық өнімдер өндірісі – 40,7 млрд теңге немесе 102,7% (үлесі-5,7%); машина жасау – 85,5 млрд теңге немесе 100,6% (үлесі – 12%, көлемі "авиажөндеу зауыты 405" АҚ, "Алматы электр механикалық зауыты" ЖШС, "Hyundai Trans Auto" ЖШС, "Сайман корпорациясы"ЖШС сияқты кәсіпорындардың есебінен ұлғайды"; жеңіл өнеркәсіп – 8,5 млрд теңге немесе 4,3 есе көп (үлесі-1,2%); дайын металлургия бұйымдары – 19,3 млрд теңге немесе 183,1% (үлесі – 2,7%).
