2020 жылы өнер және демалыс саласындағы белсенді емес компаниялардың саны 27%-ға өсті. Бұл туралы Finprom.kz басылымы хабарлады. Ал белсенді кәсіпорындардың саны өзгеріссіз қалған.
1 қазанда елімізде өнер, ойын-сауық және демалыс саласында қызмет ететін 6,7 мың кәсіпорын тіркелген. Бұл былтырғы көрсеткіштен 2,8%-ға көп. Оның 72,2%-ы немесе 4,8 мыңы жұмыс істеп тұр.
Мұндай компаниялардың шамамен жартысы Алматы қаласы, Нұр-Сұлтан қаласы, Қарағанды облыстарында орналасқан. Карантинге қарамастан кәсіпорындар қатары 17 өңірдің тек бесеуінде қысқарған: Атырау, Қостанай, Солтүстік Қазақстан, Түркістан, Жамбыл облыстары.
Белсенділігін жоғалтпаған кәсіпорындар саны биыл 0,3%-ға өсіп, 2,9 мың болды. Ал уақытша белсенді еместерінің саны бір жылда 27%-ға көбейіп, 1,2 мыңға жетті.
Табиғат Нұрболат
