Министрдің мәлімдеуінше, жобаны жүзеге асыруға 1,3 трлн теңге жұмсалады.
"Қараша айындағы жағдай бойынша құны 1 трлн теңге болатын 83 жоба пайдалануға беріліп, 9 мыңдай тұрақты жұмыс орны ашылды. Жобалардың ішінде Қарағанды облысындағы байыту фабрикасын атап өтуге болады. Жаңа полиметалл фабрикасы қорғасын-мырыш кенін өндіру көлемін 2,5 есеге, жылына 5 млн тоннаға дейін арттырады. Қызылорда облысында желтоқсан айында Orda Glass жауапкершілігі шектеулі серіктестігінің табақ шыны өндіретін зауытын техникалық іске қосу жоспарлануда. Оның өнімділігі – жылына 197,1 мың тонна шыны. Зауыт ашылғанда 226 жаңа жұмыс орны құрылады. Шығыс Қазақстан облысындағы Ақтоғай тау-кен байыту комбинатын кеңейту жобасы іске қосылды. Ол сульфидті кенді қайта өңдеу қуатын 2 есеге арттырып, жылына 50 млн тоннаға жеткізеді. Мыс өндірісін жылына 190 мың тоннаға дейін қамтамасыз етеді", – деді Бейбіт Атамқұлов.
Қанат Махамбет
