Денсаулық сақтау вице-министрі Орталық коммуникациялар қызметінде өткен брифингте жаңа инфекциялық стационарлар мен зертханалар туралы сөз қозғады. Оның сөзінше, елдегі ауруханалар 13 мыңнан аса науқасты қабылдауға дайын.
"ПТР-тест тапсырғандар қатарының көбеюіне байланысты КВИ-ға шалдыққандардың да саны артуда. Бүгінде сараптамалық орталықтар тәулігіне 55 мыңға жуық тест жасай алады. Елімізде 13 355 инфекциялық төсек-орын бар. Оның 16%-ы, яғни 2 мыңнан астам науқас жатыр. 6 841 карантиндік төсек-орын дайындап қойдық. Оның 8%-ы немесе 600-дей ғана науқас ем қабылдауда. Инфекциялық ауруханаларда қосымша 3 335 орын әзірленеді", – деді вице-министр.
Бұған қоса 23 қазанға дейін өңірлерге 100 жылжымалы кешен жеткізіледі.
"Жуырда ғана оның 25-і аймақтарға жөнелтілген. Олардың ішінде лабораториялық, рентген аппараттары бар. Кадрлар бүкіл ауыл-аймақтарды аралап, медициналық көмек көрсетілетін болады", – деді Ажар Ғиният.
Құралай Құдайберген
