Енді елде ауыл шауашылығы өнімін делдалсыз, әрі үстеме ақысыз сатуға мүмкіндік беретін онлайн-агробиржа іске қосылды, деп хабарлайды Atameken TV.
Әзірге электронды базар Қызылорда облысында жұмысын бастап отыр.
Онда тіпті өндіруші мен клиент арасында тікелей тауар сатып қана қоймай, сондай-ақ айырбас жасауға да жағдай жасалған. Техника мен қызметтер де саудаланады.
Облыстық ауыл шаруашлығы басқармасының басшысы Бақыт Жахановтың айтуынша, онлайн-агробиржада баға тек алушы мен сатушы арасында ғана бекітілмек. Әрі өнімнің қаншаға, қашан және кімге сатылғандығы жөнінде ақпараттар базада сақталып тұрады.
Бұған дейінгі жасалған саудаларда алып-сатарлардың өнім үстіне 70-80%-ға ақы қосатыны анықталған. Болашақта электронды агробиржада экспорттық келісімдер де жасалатын болады. Сондай-ақ, мобильді қосымшасы іске қосылмақ.
