Оңтүстік Қазақстан облысында биыл тұмаудың RS вирусы, парагрипп, адане вирустық инфекциясы өршіп тұр. Шаһардағы жұқпалы аурулар ауруханасына күніне 50-60-тан астам науқас жедел жәрдеммен жеткізіліп жатыр. Бұл туралы аурухананың бөлім меңгерушісі Гүлнар Исабаева мәлім етті, деп хабарлайды 24.kz.
Жалпы тұмау мен жедел респираторлық вирусты инфекцияға шалдыққандардың дені балалар екен. Ақ халаттылар тұрғындарға тұмаудың алдын алу үшін бірінші кезекте екпе жасау керек дейді. Сонымен қатар мамандар көпшілік орындарға кішкентай балалармен бармауға кеңес береді. Жұқпалы ауруға қарсы дәрі-дәрмектен бұрын сарымсақты қолданған жөн дейді.
"Қыс маусымы жедел респературалық вирусты инфекция маусымы деп саналады. Науқастардан тұмауға қарсы сынамалар алынады. Ол сынамалардан вирустың басқа түрлері анықталып отыр. RS вирусы, парагрипптер шығып отыр. Адане вирустық инфекциясымен ауырып жатқандар да келеді", – деді қалалық жұқпалы аурулар ауруханасының бөлім меңгерушісі Гүлнар Исабаева.
