Оңтүстік Қазақстан педагогикалық университеті Өзбекәлі Жәнібековтің есімін иеленбек

1108

Сондай-ақ, Қостанайдағы Ахмет Байтұрсынов атындағы ЖОО атауы түзетіледі.  

Оңтүстік Қазақстан педагогикалық университеті Өзбекәлі Жәнібековтің есімін иеленбек Фото: otyrar.kz

ҚР Үкіметі Шымкент қаласындағы Оңтүстік Қазақстан мемлекеттік педагогикалық университетіне Өзбекәлі Жәнібековтің есімін беруді жоспарлап отыр. Үкімет қаулысының жобасы Ашық НҚА порталында жарияланды, деп жазады inbusiness.kz.

Қаулы жобасы 6 желтоқсанда өткен Үкімет жанындағы Республикалық ономастика комиссиясының қорытындысына сәйкес әзірленген.

Сондай-ақ, дәл осы қаулы аясында Қостанай облысындағы А.Байтұрсынов атындағы Қостанай өңірлік университетінің атауына түзету енгізу көзделген. Түзету Алаш көсемінің есіміне қатысты. Сәйкесінше, қаулы қабылданса, оқу орны енді Ахмет Байтұрсынұлы атындағы Қостанай өңірлік университеті болып аталады.

Қаулы жобасы 9 қаңтарға дейін қоғам талқысына ұсынылған.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу