Оңтүстік Корея билігі коронавирустың "омикрон" деп аталатын штамының таралуына байланысты енгізілген шаралар мерзімін екі аптаға ұзартты, деп хабарлайды Inbusiness.kz елдің денсаулық сақтау министрлігіне сілтеме жасап.
Бастапқыда шектеулер 3 қаңтарға дейін созылған еді.
1 қарашада бұл елде "COVID-19 індетімен бірге" саясатын енгізді. Ол бойынша ақпан айының соңына дейін көптеген шектеулер тоқтатылуы тиіс. Қазіргі таңда Оңтүстік Корея халқының 90%-дан астамы вакцина ектірген. Алайда соңғы күндері науқастар санының артуы билікті шектеулерді қатаңдатуға мәжбүрлеп отыр.
Қазір қоғамдық мекемелердің көпшілігі 22.00-де, клубтар, барлар және дискотекалар 21.00-де жабылады. Коронавирустың таралу қаупі жоғары орындарына, яғни барлық ойын-сауық орындарына, сауналарға, барларға, спорт залдарына, мейрамханаларға мен кафелерге, кинотеатрларға, кітапханаларға, мұражайларға вакцина ектіргендер мен ПТР тестінен өткендер ғана кіре алады.
Табиғат Нұрболат
