Оңтүстік Кореяның полициясы президенттің елден шығуға тыйым салу мәселесін қарастырып жатыр. Юн Сок Ельдің осыған дейін әскери жағдай енгізуіне байланысты тергеу амалдары жүруде, деп хабарлайды inbusiness.kz сайты Yonhap-қа сілтеме жасап.
"Ең әуелі қажетті материалдарды жинау қажет. Біз жан-жақты талдау негізінде шешім қабылдаймыз", – деді полиция өкілі Ву Чжон Су брифинг барысында.
Полиция президенттен жеке жауап алыну мүмкіндігін де жоққа шығармайды.
"Тергеу объектісіне байланысты адамдық немесе физикалық шектеулер жоқ", –деді Ву Чжон Су.
Агенттіктің хабарлауынша, бұрынғы ішкі істер министрі Ли Сан Минге шетелге шығуына тыйым салынды. Әділет министрлігі мұндай шешімді полиция мен прокуратураның өтініші бойынша қабылдады.
Айта кету керек, осыған дейін Оңтүстік Корея Президенті Юн Сок Ёль халқынан "әскери жағдай" жариялағаны үшін кешірім сұрағанын жазғанбыз.
