Оңтүстік Корея Украинаның бейбіт тұрғындарына қауіп төнген жағдайда елге қару-жарақ бере бастауы мүмкін, деді Оңтүстік Корея президенті Юн Сок Ель Reuters агенттігіне берген сұхбатында, деп жазады inbusiness.kz.
"Егер халықаралық қауымдастық көз жұмып қарай алмайтын жағдай туындаса, мысалы, бейбіт тұрғындарға жаппай шабуыл жасалған жағдайда <...> немесе соғыс заңдылығын бұзу тіркелсе, бізге тек гуманитарлық немесе қаржылық көмекті талап ету қиынға соғады", - деді ол.
Reuters президент алғаш рет Киевке қару беру мүмкіндігі туралы айтқанын атап өтті.
Юн Сок Ельдің пікірінше, халықаралық құқық тарапынан Украинаны қорғау мен қалпына келтіруді қолдау жолында ешқандай шектеулер болмайды. Соғыс аймағындағы жағдайдың қалай дамитынына қарай, қақтығыс тараптарымен қарым-қатынасты ескере отырып, Оңтүстік Корея билігі "ең қолайлы шараларды" қабылдайды.
