Оңтүстік Кореяда 85 мыңнан астам шетел азаматы баспанаға ие, ал Қытай азаматтары жылжымайтын мүліктің жартысынан көбін құрайды. Бұл туралы inbusiness.kz сайты The Korea Herald басылымына сілтеме жасап хабарлайды.
Кореяның Жер, инфрақұрылым және көлік министрлігінің мәліметі бойынша, маусым айының соңында Оңтүстік Кореяда барлығы 85358 шетел азаматы баспанаға ие болды. Бұл алты ай бұрынғы сәйкес көрсеткішпен салыстырғанда, 4,6%-ға өсті.
Жалпы, шетел азаматтарының меншігінде 87223 пәтер болды және бұл елдегі барлық үйлердің 0,46%-ын құрайды.
Бұдан басқа, қытай азаматтары 54,3%, американдықтар 23,5%, канадалықтар мен тайваньдықтар сәйкесінше 6,8% және 3,8%-ын иеленді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
