Оңтүстік Кореяда құрылыс жұмыстары кезінде көпірдің темір тіректері құлап кеткен. Салдарынан 3 адам қаза тауып, тағы 5 адам жарақат алған, деп хабарлайды inbusiness.kz сайты.
Жергілікті басылымдардың жазуынша, оқиға Сеул-Седжон автомагистраль учаскесінде жергілікті уақыт бойынша сағат 09:49-да болған. Жұмысшылар кранмен көпірдің тіректері арасында бірнеше конструкцияны жылжытып жатқан. Осы уақытта көпірді ұстап тұрған 50 метрлік бес болат тірек бірінен соң бірі құлап кеткен.
Салдарынан үш адам қаза тапты, тағы бес адам жарақат алды. Оқиға орнынан түсірілген бейнежазба желіге тарады.
Ұлттық өрт сөндіру агенттігі апаттан жоғалып кеткен адамдарды іздеу үшін өрт сөндірушілерді жұмылдыру туралы бұйрық шығарды.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
