Оңтүстік Кореядағы 25-ші Дүниежүзілік скауттар слеті тайфун қаупіне байланысты тоқтатылды. Осыған дейін аптап ыстыққа байланысты іс-шарадан Ұлыбритания мен АҚШ делегаттары кеткен болатын, деп жазады inbusiness.kz euronews.com порталына сілтеме жасап.
Оңтүстік Кореяда "Ханун" тропикалық дауылына байланысты халықаралық слетке қатысқан он мыңдаған скаут эвакуацияланып жатыр. Ішкі істер және қауіпсіздік министрлігі осыған орай жүздеген автобус бөлінетінін мәлімдеді. Бір күн бұрын британиялық БАҚ Пуань округіндегі скауттар слетін Ұлыбритания мен АҚШ-тан келген адамдар тастап кеткенін хабарлады.
"Эвакуация жоспары Президенттің нұсқауы бойынша дайындалды. Себебі Солтүстік Чолла провинциясы тайфунның ықпалына түсуі мүмкін деп күтуліде. бұл өз кезегінде лагерь жұмысына қиындық туғызуы мүмкін. Бұдан бөлек эвакуация туралы шешім Дүниежүзілік скауттар қозғалысының ұйымының алаңдаушылығы мен өтінішін ескереді", - деді Оңтүстік Корея ІІМ апаттарға қарсы күрес штабының бастығы Ким Сун Хо.
Жиын ашылған сәттен бастап 25-ші Дүниежүзілік скауттар слетінің қатысушыларына ауа райы кедергі болды. Өткен сәрсенбіде Пуань уезінде аптап ыстық салдарынан жүздеген балаға медициналық көмек қажет болған.
