/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 383,45 Brent 36,55
«Оңтүстік» өңірлік қолбасшылығының жасағы Үндістанға барды

«Оңтүстік» өңірлік қолбасшылығының жасағы Үндістанға барды

Үндістанда қазақстандық және үнділік бірлескен оқу-жаттығулар басталды.  

04 Қазан 2019 12:42 532

«Оңтүстік» өңірлік қолбасшылығының жасағы Үндістанға барды

Үндістанның Питхорагарх қаласына жақын жерде орналасқан әскери палигонында «Қаз-Инд-2019» қазақстандық және үнділік бірлескен оқу-жаттығулар басталды, деп хабарлайды Қорғаныс министрлігінің баспасөз қызметі.

Шара қарсаңында Үндістанға Қазақстан Құрлық әскерлері «Оңтүстік» өңірлік қолбасшылығының әскери қызметшілер жасағы келді.

Екі апта бойы халықаралық жиынтық бөлімше құрамында 60 қазақстандық әскери қызметші үнді әріптестерімен тренингтерге қатысып, тәжірибе алмасып, тау жағдайында шартты заңсыз әскери құрылымдарды оқшаулау және жою бойынша іс-қимылдарды теорияда жүзінде зерттеп, іс-жүзінде пысықтайтын болады.

Қазіргі таңда оқу-жаттығуға қатысуышалар, құрамында әр мемлекеттен 60 адам болатын қазақстандық және үнділік әскери қызметшілердің жиынтық бөлімшесін құруға кірісіп кетті.

Үнді Қарулы Күштерінің 111-ші жеке механикаландырылған бригада командирі генерал Мандэл, оның бөлімшесіндегі жауынгерлер бірлескен оқу-жаттығуларға қатысқанына, жаңа тәжірибе жинап және алмасатынына қуанышты екенін айтты.

Үндістан делегациясы әскери институтта болды

Алматыда Радиоэлектроника және байланыс әскери-инженерлік институтына Үндістан делегациясы келді.  

17 Қазан 2019 21:46 443

Үндістан делегациясы әскери институтта болды

Оның құрамында Үндістанның Қазақстандағы әскери атташесі – полковник Милан Наладваде, әскери-әуе күштерінің өкілі – авиация полковнигі Анил Кумар Натур Гураджани, ӘӘК College of air Warefare жетекші оқу орнының офицерлері болды, деп хабарлайды ҚР қорғаныс министрлігінің баспасөз қызметі.

Жұмыс сапары аясында Үнді офицерлері қазіргі заманғы оқу-материалдық базамен және оқыту жүйесімен танысты, әскери институттың аудиториялары мен сыныптарын қарап шықты, онда оларға әскери техника мен қару-жарақ үлгілері көрсетілді.

Қазақстандық әскери институт өкілдері шетелдік қонақтарға Қазақстандағы жоғары әскери білім, оқу орнының даму болашағы, жоғары оқу орнының білім беру және ғылыми әлеуеті туралы айтып берді.

Шетелдік қонақтар өздерін қызықтырған барлық сұрақтарға жауап алды, сондай-ақ әскери институттың мұражайында болды. Үндістан делегациясының жетекшісі құрметті қонақтар кітабына естелік жазба қалдырды.

Шетелдік өкілдер әскери-инженерлік институт оларға оң әсер қалдырғанын айтты. Үнді делегациясы өзара ынтымақтастықты жалғастыруға және дамытуға сенім білдірді, сондай-ақ әскери оқу орнының басшылығына қонақжайлығы үшін алғыс білдірді.

Радиоэлектроника және байланыс Әскери-инженерлік институты зениттік зымыран, радиотехникалық әскерлер, авиацияны радиотехникалық қамтамасыз ету байланыс бөлімдері үшін білікті офицерлерді, сондай-ақ әскерлер мен қару-жарақты басқарудың автоматтандырылған жүйелерінің инженерлерін даярлайтынын атап өткен жөн. Офицер-радиоинженерлерді даярлау 5 мамандық бойынша жүргізіледі. 18 жыл ішінде ЖОО еліміздің Қарулы Күштері үшін 1730 лейтенант – білікті әскери мамандарды даярлады.

Үндістанның Орталық банкі негізгі пайыздық мөлшерлемені төмендетті

Ел үкіметі экономиканы ынталандыру мақсатында осындай қадамға барып отыр. 

04 Қазан 2019 16:15 468

Үндістанның Орталық банкі негізгі пайыздық мөлшерлемені төмендетті

Мөлшерлеме 25 базистік пунктке түсіріліп, 5,15 пайыз болды. Бұл соңғы 10 жылдағы ең төменгі көрсеткіш. Реттеуші өкілдерінің айтуынша, экономика өсімі оңалмайынша, осы деңгей сақталады.

Сарапшылардың болжамына сүйенсек, биылғы қаржы жылында елдің ЖІӨ 6,1 пайызға көтеріледі деп күтілуде.

Бірақ айта кету керек, Үндістанда осы жылдың сәуір және маусым айлары аралығында ЖІӨ өсімі едәуір баяулаған. Бұған тұтынушы сұранысының төмендеуі мен жеке инвестициялардың азаюы себеп болған. Бұл 2013 жылдан бергі ең төменгі көрсеткіш, дейді мамандар. 

Монетарлық саясат жөніндегі комитеттің айтуынша, қабылданған шаралар жеке инвестициялық белсенділікті арттырып, экономика өсімін жеделдетпек. 

Табиғат Нұрболат