Таяу тәулікте Қазақстанның оңтүстігі мен оңтүстік-шығысында күтілетін жауын-шашынға байланысты таулы өзендерде су шығыны артады деп болжануда. Кейбір өзендерде жоғары су тасқыны, соның ішінде сел тасқыны жүруі мүмкін. Бұл туралы Төтенше жағдайлар министрлігінің ресми өкілі Жанна Дәуренбекова хабарлады.
Бұдан бөлек таулардың баурайында қарқынды беткейлік ағын пайда болуы мүмкін.
"Республиканың шығысында су деңгейінің аздап ауытқуы күтіледі. Оңтүстік-шығыстың таулы аймақтарында сел қаупі сақталып отыр", - деп хабарлады ведомство.
Осыған байланысты ТЖМ ел тұрғындарына тауға бармауға, қауіп төнген жағдайда немесе кенеттен сел жүрсе, жер бедерінің ең биік нүктелеріне көтерілуге кеңес берді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
