Оңтүстік Қазақстан облысы әкімдігінің хабарлауынша, биылғы жылдың соңына дейін 16 мектептің құрылысы басталмақ.
Бұл жоба жүзеге асқанда ОҚО-дағы 8 апатты, 11 үш ауысымды мектептерде оқып жүрген 12 мың оқушы жаңа ғимааттарда білім алатын болады.
Жалпы былтырғы жылы "Нұрлы жол" бағдарламасының арқасында 10 білім беру мекемелері пайдалануға берілген болатын. Атап айтқанда, өткен жылы 2 апатты мектеп және сығылысып үш аусыммен оқып жүрген 7 мектеп пен 1 балабақшаның (тапшылық орын) құрылысы аяқталып, бүлдіршіндер 1 қыркүйектен бастап жаңа ғимараттардың табалдырығын аттады.
Сондай-ақ, облыста тұрғын үйлердің инженерлік жүйелерін де жүйеге келтіру жұмыстары қарқынды жүріп жатыр. Айталық, Шымкент шаһары мен Түлкібас ауданындағы 2 нысанға аталған жұмыстар жүргізіліп, халық игілігіне тапсырылды. Соның нәтижесінде былтыр "Нұрлы жол" аясында құрылыс жұмыстарына 3655 адам жұмысқа тартылды.
