Халық пен бизнестің мемлекеттік көрсетілетін қызметтерге қолжетімділігін, ақпаратпен алмасуын тездету мақсатында Оңтүстік Қазақстан облысы әкімдігі тарапынан жалпы ашық байқау "Хакатон" хакерлік марафоны ұйымдастырылуда. Маусым айының 19-20 аралығында өтетін шараға IT-саласының түрлі деңгейдегі мамандары қатысатын болады.
Барша ақпараттық технологиялар саласы бойынша мамандық иелері мен өзіне сенімді, талапшыл, өзгеше ойлау қабілетінің талант иелеріне Хакатонға-ға қатысуға мол мүмкіндік туып отыр.
Талант иелеріне берілер жүлде қоры да қомақты. Бірінші орынға – 1 миллион теңге, екінші орынға 500 мың теңге, үшінші орынға 250 мың теңге сыйлықтар беріледі. Барлық қатысушылар назардан тыс қалмай, арнайы сыйлықтармен марапатталады. Ең жақсы, тың идеялы жобаларға сарапшылар гранттар беру бойынша мүмкіндік қарастыратын болады.
Қатысуға ниет білдіргендер on-startup.kz сілетемесі арқылы тіркеле алады.
