ОПЕК 2024 жылы әлемдік мұнай сұранысының өсу болжамын тәулігіне 2,2 млн баррель (б/с) деңгейінде, яғни тәулігіне 104,36 млн баррельге дейін сақтап қалды. Сонымен қатар, 2025 жылы сұраныс тәулігіне 1,8 млн баррельге дейін артып, тәулігіне 106,21 млн баррельге жетеді деп күтілуде. Бұл туралы ОПЕК-тің ай сайынғы есебінде айтылған болатын, деп хабарлайды inbusiness.kz сайты Gazeta.ru басылымына сілтеме жасап.
ОПЕК-тің бағалауы бойынша, ЭЫДҰ елдеріндегі сұраныс 2024 жылы тәулігіне небәрі 0,3 миллион баррельге, ал ЭЫДҰ-ға кірмейтін елдерде — тәулігіне 2 миллион баррельге дейін артады. Сондай-ақ, 2025 жылы ЭЫДҰ-ға мүше елдер тұтынуды тәулігіне 0,1 миллион баррельге дейін ұлғайтады, ал ұйымға кірмейтін елдер 1,7 миллион баррельге дейін ұлғайтуы ықтимал.
Айта кету керек, 2024 жылы ОПЕК-тен тыс мұнай өндірудің негізгі өсімін АҚШ, Канада, Бразилия, Норвегия және Қазақстан елдері қамтамасыз етеді. Ал 2025 жылы АҚШ, Бразилия, Норвегия және Қазақстан мұнай өндіру бойынша көшбасшы болып қала береді.
