/img/tv1.svg
RU KZ
KASE 2 277,42 Hang Seng 27 949,64
РТС 1 599,82 FTSE 100 7 585,98
DOW J 28 995,64 Бидай 571,60
Қазақстан ОПЕК+ келісімі бойынша өз міндетін орындап отыр

Қазақстан ОПЕК+ келісімі бойынша өз міндетін орындап отыр

2019 жылдың 8 айының қорытындылары бойынша орташа тәуліктік өндіріс 1,796 млн. т/с құрады.

19 Қыркүйек 2019 22:12 291

Қазақстан ОПЕК+ келісімі бойынша өз міндетін орындап отыр

Қазақстан ОПЕК+ келісімі бойынша өз міндеттемелерін орындауды жалғастыра отырып, орташа тәуліктік мұнай өндірісін 1,85 млн баррельге жеткізеді, деп хабарлады ҚР энергетика министрлігінің баспасөз қызметі.

«15 айдың қорытындысы бойынша (2019 жылдың қаңтарынан 2020 жылдың наурызына дейін) мұнайдың орташа тәуліктік өндірісі тәулігіне 1,85 млн баррель деңгейінде болжанып отыр. Осылайша, Қазақстан келісім бойынша өз міндеттемелерін толық көлемде орындауды жоспарлап отыр», - деп сендірді Энергетика министрлігі.

Министрлік Қазақстан үшін мұнай өндірісін қолдау бойынша ағымдағы міндеттемелер 1,86 миллион баррельді құрайды деп еске салды.

«2019 жылдың 8 айының қорытындылары бойынша орташа тәуліктік өндіріс 1,796 млн. т/с құрады, бұл міндеттемелерден 64 мың б/с төмен», - деп түсіндірді Энергетика министрлігі.

inbusiness.kz-ті қараңыз, оқыңыз :

Дариға Назарбаева: Қазақстан мен Ресейдің экология заңнамасын үйлестіретін уақыт жетті

Кездесу аясында парламентаралық ұйымдар, атап айтқанда ЕКПА аясындағы өзара іс-қимыл, Сирия дағдарысын реттеу және экономикалық ынтымақтастықты тереңдете түсудің келешегі талқыланды.

23 Қыркүйек 2019 22:35 177

Дариға Назарбаева: Қазақстан мен Ресейдің экология заңнамасын үйлестіретін уақыт жетті

Парламент сенатының төрағасы Дариға Назарбаева мен Ресей федерациясы мемлекеттік думасының төрағасы Владимир Володинмен, федералдық жиналыстың федерация кеңесі төрағасының орынбасары Ильяс Умахановпен кездесуі барысында Қазақстан мен Ресей ынтымақтастығын тереңдете түсудің келешегі талқыланды, деп хабарлайды ҚазАқпарат.

Жүздесушілер екіжақты қатынастардың оң қарқынын айта келіп, Қазақстанның елордасында өтіп жатқан Еуразия елдері парламенттері спикерлері кеңесінің маңызын атап өтті.

Дариға Назарбаева екі елдің жоғарғы палаталарының арасындағы Ынтымақтастық комиссиясының тиімділігін атап өтті. Комиссия мүшелері ұлттық заңнамаларды жақындастыра түсудегі нақты ұсынымдар әзірлеуде ауқымды жұмыс атқарды.

Жоғарғы палата басшысы экология және өзендерді қорғау мәселелері жөніндегі екіжақты ынтымақтастықты тереңдете түсу қажеттігіне ресейлік әріптестерінің назарын аударды. Қолданыстағы нормативтік-құқықтық база қазіргі замандағы қатерлерге және Жайық өзенінде қалыптасқан жағдайға сәйкес келмейді.

«Қазақстан мен Ресейдің экология мен табиғатты пайдалану заңнамаларын үйлестіретін уақыт келді. Үлгі заңдарды әзірлеп, қабылдау қажет», – деді сенат төрағасы.

Д.Назарбаеваның пікірінше, киберқауіпсіздік саласындағы үлгі заңнамасын әзірлеу және ЕАЭО аясындағы ақпараттық саясатты белсендендіру қажет.

«ЕАЭО шеңберінде көптеген интеграциялық мәселелер бар, бірақ ақпарат кеңістігінде олар талқыланбай келеді. ЕАЭО-да болып жатқан жағдайлардан, қандай шешімдер қабылданып жатқанынан хабарсыздық бар», – деді сенат төрағасы.
Владимир Володин экологиялық және су ресурстарын пайдалану заңнамасын жақындастыра түсу мәселелерін аймақаралық іс-қимыл аясында талқылау қажеттігін атап өтті. Ол сондай-ақ ақпараттық қауіпсіздік туралы заң жобасы әзірленгенінен хабардар етті.

Тараптар парламентаралық ынтымақтастықты жаңа қалыпқа түсіру туралы айта отырып, «нақтылыққа көшу және соңғы нәтижеге қол жеткізу қажет» деген ортақ пікірге келді.

Елбасы Вячеслав Володинмен келіссөз өткізді

Кездесу барысында Елбасы Қазақстан мен Ресей Федерациясы арасындағы қатынастарды нығайту жөніндегі жұмыстың нәтижелері мен перспективаларына тоқталды.

23 Қыркүйек 2019 19:51 255

Елбасы Вячеслав Володинмен келіссөз өткізді

Нұрсұлтан Назарбаев РФ Мемлекеттік Думасының төрағасы Вячеслав Володинмен келіссөз өткізді, деп хабарлайды Елбасының баспасөз қызметі.

«Мемлекеттік Дума мен Парламент Мәжілісі тұтастай біздің елдеріміз сияқты достық байланыста. Біздің қатынастарымыз саясатта да, экономикалық салада да, сондай-ақ, мәдени-гуманитарлық ынтымақтастықта да үлгілі болып табылады. Біз әрі қарай да осы бағыттар бойынша жұмысты жалғастыра беретінімізге сенімдімін», – деді Қазақстанның Тұңғыш Президенті.

Өз кезегінде В.Володин Елбасының Қазақстан мен Ресей арасындағы мемлекетаралық қатынастарды орнатудағы және нығайтудағы маңызды рөлін атап өтті.

Сонымен қатар, РФ Мемлекеттік Думасының төрағасы алдағы парламенттік шараға дайындықтың жоғары деңгейін айта келе, парламентаралық байланыстарды нығайтудағы спикерлер кеңесінің өсіп келе жатқан рөліне назар аударды.

Жаңалықтарға жазылу: