Оралда MyFest фестиваліне қатысушыларды тасымалдап жүрген автобустың ішінде жаппай төбелес орын алды, деп жазады inbusiness.kz сайты.
Дауласып тұрған ер адам салонда отырған жігітке бұрыш баллонын шашып жіберген. Соның салдарынан жәбірленуші екі көзінен күйік жарақатын алған. Бұл жағдайға басқа жолаушылар араласып, кикілжің жаппай төбелеске ұласқан.
Батыс Қазақстан облыстық полиция департаментінің мәліметінше, төбелеске қатысқандардың барлығы анықталған. Олардың біреуі уақытша ұстау изоляторына қамалды.
– Қазіргі таңда оқиғаның барлық мән-жайы анықталып жатыр. Тергеу қорытындысына сәйкес кінәлілер заң алдында жауап береді, – делінген ведомство хабарламасында.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
