Оралда балабақшаның төбесі опырылды

1159

"Золотой петушок" балабақша-яслиі шатырының бір бөлігі қирап, ортасына түскен.

Оралда балабақшаның төбесі опырылды

Оралда қардың жиналып қалуына байланысты балабақшаның төбесі құлады, деп хабарлайды ҚазАқпарат.

 БҚО ТЖ департаментінің баспасөз қызметінен түскен мәліметке қарағанда, оқиға 12 ақпан күні сағат 08.20-да болған. Т.Масин көшесі 44-мекенжайында орналасқан №19 "Золотой петушок" балабақша-яслиі шатырының бір бөлігі опырылған. Оның көлемі – 35 шаршы метр. Төбенің жалпы алаңы – 500 шаршы метр.

Зардап шеккендер жоқ. Оқиға орнына ТЖ департаментінен 3 қызметкер бір техникамен барды. Сондай-ақ, Орал қаласы тұрғын үй-коммуналдық шаруашылығы және білім беру бөлімдерінің өкілдері болды.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу