Орал қаласында балалар мінген автобус отқа оранды.
БҚО Төтенше жағдай департаментінің мәліметінше, оқиға 13 маусым күні сағат 12:40-та болған.
“Орал қаласы Г.Бельгер көшесі, 114 үйдің маңайында “ПАЗ” жеке автобусы отқа оранды. Өрт сағат 13:09-да оқшауланып, 13:14-те жойылды. Қаза тапқандар мен зардап шеккендер жоқ. Оқиға орнында жеке құрамның 6 адамы, 1 бірлік техника жұмыс істеді”, - делінген департаменттің баспасөз қызметі таратқан ақпаратта.
mgorod.kz порталының жазуынша, автобуста 60 бала болған. Орал қаласының білім бөлімі өрттің балалар кинотеатрдан мектеп лагеріне қайтып бара жатқан кезде болғанын хабарлады.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
