Күдіктінің уақытша ұстау изоляторына қамалғаны белгілі болды, деп хабарлайды inbusiness.kz сайты.
Ведомствоның мәліметінше, Орал қаласының тұрғыны полицияға арызданғаннан соң, аталған дерек бойынша қылмыстық іс қозғалған.
Қазіргі уақытта оқиғаның барлық мән-жайын анықтау үшін тергеу амалдары жүргізіліп жатыр.
Тергеу аясында тиісті сараптамалар тағайындалып, куәгерлерден жауап алынуда.
Полиция департаменті күдікке ілінген қызметкер ішкі істер органдарындағы қызметінен қуылғанын хабарлады. Сондай-ақ, ол тергеу аяқталғанға дейін уақытша ұстау изоляторына қамалды.
– Полиция қатарында заң мен тәртіпті бұзуға жол берілмейді. Мұндай әрекеттерге қатысты қатаң шара қолданылады, – деп хабарлады ведомствоның баспасөз қызметі.
Әзірге күдіктінің кінәсі сотта дәлелденген жоқ. Тергеу жалғасып жатыр.
