Орал шаһарында жолаушылар тасымалын жақсартудың жаңа тұжырымдамасы қабылданды. Соған сай қоғамдық көлікті жаңарту жұмыстары кезең-кезеңімен жүзеге асырылып жатыр, деп хабарлайды 24.kz.
Егер осыдан екі жыл бұрын қалалық автопарктің 40% шағын автобустар құраса, бүгінде 190 "Газельден" 30-ы ғана қалған. Биыл жергілікті тасымалдаушы кәсіпорындар 35 үлкен автобус сатып алды, келер жылға тағы 135 жаңа автобус алуды көздеп отыр. Сонда қоғамдық көліктің тозығы жету көрсеткіші 54 пайыздан 27 пайызға азаймақ. Бұл салада сандық технологиялар да белсенді қолданылуда.
"Стандартқа сай автобустар. Ішінде барша видеокамералармен, карталармен толық өтемақысын төлеуге мүмкіндік болады. Сонымен қатар "Инфобас" бағдарламасы аясында барша 450 автобус баршасына да "GPS" навигатор қондырылған. "Смарт Орал" қосымшасында әр автобустың қай жерде келе жатқанын баршасы көріп отырады", - дейді қала әкімі Мұрат Мұқаев.
