Оралдағы полиция бөлімінде тәртіп сақшысы атылған оқтан көз жұмды, деп хабарлайды inbusiness.kz.
"Мой город" порталының дерегінше, қайғылы оқиға бүгін, 3 желтоқсанда шамамен таңғы сағат 8:00-де болған.
"Ер адам оқиға орнында көз жұмды. Ол – 2001 жылы туған полиция сержанты. Ол полиция басқармасында вахтада тұрған", - деп жазылған хабарламада.
Оқиғаның мән жайы анықталып жатыр.
"Мен ештеңе білмеймін", - деп БҚО ПД-нің баспасөз қызметінің өкілі телефон тұтқасын қоя салды.
Облыстық прокуратура бұл ақпаратты растаған да, жоққа шығарған да жоқ.
Орал қаласының полиция басқармасы сағат 11:00-де журналистерді брифингке шақырды. Бірақ кейін іс-шара өтпейтін болды.
Қазіргі таңда оқиға орында криминалистер мен жедел уәкілдер жұмыс істеп жатыр.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
