"Туған жер" бағдарламасы аясында Алматы облысындағы Орбұлақ шайқасы болған жерге ескерткіш қойылды, деп хабарлайды 24.kz.
Салмағы жарты тонна тақтада "Қазақ елінің тәуелсіздігі мен еркіндігі үшін жоңғар басқыншыларымен шайқаста жеңіске жеткен айбынды қазақ сарбаздарына ұрпақтары атынан!" деген жазу бар. Бұл осыдан төрт ғасырға жуық уақыт бұрын жоңғардың 50 мың әскерін 700 қолмен тоқтатқан қазақ сарбаздарының рухына бағышталған шара. Себебі мұндай жеңіс әлем тарихында болған емес. Келер жылы Орбұлақ шайқасының 375 жылдығын ел болып атап өткелі отырмыз. Бүгінгі шара сол тарихи мән-мағынасы зор тойдың алдындағы тамаша сый болды дейді қонақтар.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
