Индустрия және инфрақұрылымдық даму министрлігінің хабарлауынша, биыл Шығыс Қазақстан облысында жергілікті маңызы бар 25 жол жөнделеді.
Атап айтқанда, Семей-РФ шекарасы-Новопокровка-Петропавловка-Зубаир-Байтанат-РФ шекарасы, Семей-РФ шекарасы-Воскресеновка-Петропавловка-Шелехово-Бел-Ағаш-Дмитриевка, Шемонаиха-Усть-Таловка, Большенарым-Күршім, Солдатово елді мекеніне кіру жолы, Большенарым-Күршім, Омбы-Майқапшағай-Жарсу-Бақасу-Саржыра, Қарағанды-Аягөз-Боғас-Ырғызбай ата, Омбы-Майқапшағай-Шілікті-Ақжар, Таврическое-Каменка-Завидное, Өскемен-Тарғын-Самарское, Шемонаиха-Большая Речка, Таскескен-Бақты-Қарабұта-Ақшоқы жолдары жаңартылады.
Бұдан бөлек биыл 8 елді мекенге кіру жолы қалпына келтіріледі.
"Қазір Талдықорған-Өскемен, Қалбатау-Майқашағай жолдары және Осинов асуы сияқты ірі жобалар жүзеге асырылып жатыр", – деп жазды министрліктің баспасөз қызметі.
Айта кетейік, Шығыс Қазақстан облысындағы жергілікті жолдардың жалпы ұзындығы - 8 584 шақырым. Олардың 81% қанағаттанарлық жағдайда.
Қанат Махамбет
