Семинар 20 қараша Қазақстанның Президенттігіне үміткер кандидаттардың өкілдеріне арналған. Күні кеше 18:00-ден бастап кандидаттардың штабтары өз жұмыстарын бастағаны белгілі. Отырыс барысында кандидаттардың үгіт-насихатына мемлекеттен қанша ақша бөлінеді, қандай талаптар бар екені айтылды.
"Орталық Сайлау комиссиясының 28 қыркүйекте қабылданған қаулысымен кандидаттардың сайлау алды үгіт-насихат жұмыстары үшін шығыс сайлауалды бағдарламамен БАҚ-да сөз сөйлеу – 9 012 600 теңгені, кездесулер мен аггитациялық материалдар үшін – 800 мың теңге, жол жүру шығындары – 500 мың теңгені құрайды. Сайлау қорларына заңды жолмен алынған қаражат қана берiледi. Сайлау комиссиясының қорындағы ақша 6 бағыт бойынша жұмсалады.
1. Бұқаралық ақпарат құралдарында сөз сөйлеу;
2. Сайлау алды үгіт-насихат жұмыстары (дебаттар, кездесулер т.б.);
3. Аудио-визуалды үгіт насихат материалдарын таратуға, шығаруға;
4. Үгіт-насихат жүргізу барысында заңды және жеке тұлғалық қызметтерге;
5. Кандидаттың жол жүру, үй-жайды жалға алуға, iссапар шығыстарына мамандарға еңбек ақы төлеуге;
6. Сайлау компаниясының тегін тарату үшін үгіт-насихат құралдары (значок,футболка т.б.);
Сайлау комиссиясының қорынан жұмсалған әрбір тиын үшін кемінде айына екі рет есеп беріледі" – деді ОСК хатшысы Сабина Мұстафина.
