/img/tv1.svg
RU KZ
DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 440,47 Brent 36,55
Өскемен мен Семейде дәріханаларға рейд жүргізілді

Өскемен мен Семейде дәріханаларға рейд жүргізілді

Рейд барысында қос қаладағы дәріханаларда қажетті дәрі-дәрмек жеткілікті екені анықталды. 

06 Шілде 2020 16:28 273

Өскемен мен Семейде дәріханаларға рейд жүргізілді

Өскемен және Семей қалаларындағы дәріханаларға рейд жүргізілді. Әкімдік қызметкерлері, құқық қорғау органдары мен БАҚ өкілдерінен құралған  мобильді топ ыстықты түсіретін дәрі-дәрмектердің бар-жоғын тексеріп,  бағасын байқады, деп хабарлайды altaynews.kz.

Рейд барысында қос қаладағы дәріханаларда қажетті дәрі-дәрмектер жеткілікті екені анықталды. Тек бірнеше дәріханада парацетамол мен аспирин тапшы екені байқалды. Бірақ оның орнына «терафлю» мен басқа да ыстықты түсіретін препараттар жеткілікті. Бір адамға 3-5 дәріден беріледі.

Естеріңізге сала кетейік, дәрі-дәрмек тапшылығына жол бермеу мақсатында Өскемен қаласының әкімдігі 3 шілдеде ірі дәріханалармен ыстықты түсіретін препараттарды рецептсіз жіберуді шектеу жөнінде меморандумға қол қойды. Ал Семей қаласы мен өзге аудандарда меморандум жасау мәселесі пысықталуда.

Рейдтер барысында дәріхана иелеріне дәрі-дәрмектердің бағасын көтеруге жол берілмейтіндігі ескертілді. Алдағы уақытта мұндай рейдтер тұрақты түрде жүргізілетінін айта кетейік.

Өскеменде жолаушылар автобусы өртенді

«Өрттің шығу себебі анықталып жатыр, «аса қауіпті агрегатты абайсыз қолдану» нұсқасы тексерілуде», – деп түсіндірді ТЖ басқармасынан.

05 Қаңтар 2020 11:02 246

Өскеменде жолаушылар автобусы өртенді

Өскеменде автобус өртенді, деп хабарлайды ҚазАқпарат қалалық төтенше жағдайлар басқармасына сілтеме жасап.

Ведомствоның мәліметінше, бүгін таңертең 08 сағат 40 минутта Буров көшесінің бойында қалалық №13 автобус жолда кетіп бара жатып өртенген.

«Кинг Лонг» маркалы автобус қозғалтқышының жылу жүйесінде қысқа тұйықталу салдарынан өрт шыққан. Өрт 1,5 шаршы метрді қамтыған. Өрттің шығу себебі анықталып жатыр, «аса қауіпті агрегатты абайсыз қолдану» нұсқасы тексерілуде», – деп түсіндірді ТЖ басқармасынан.

Өрттен ешкім зардап шеккен жоқ.

Өскеменде 52 отбасыға пәтер кілті табысталды

Олардың бәрі «Нұрлы жер» бағдарламасы аясында ипотека алған Тұрғын үй жинақ банкінің салымшылары.

31 Желтоқсан 2019 15:13 311

Өскеменде 52 отбасыға пәтер кілті табысталды

ШҚО орталығында ТҚЖБ салымшыларына пәтер берілді. Бұл туралы өңір әкімі хабарлады.

«Жаңа жыл қарсаңында облыс орталығындағы 52 отбасыға жаңа шағын аудандағы жаңа үйден пәтер кілттерін табыс еттім. Олардың бәрі «Нұрлы жер» бағдарламасы аясында ипотека алған Тұрғын үй жинақ банкінің салымшылары. Барлығыңызға ең бастысы зор денсаулық пен игілік тілеймін. Жаңа үй тек бақыт пен молшылыққа, қуаныш пен сәбидің күлкісіне толсын!»,– деп жазды әкім фейсбуктегі парақшасында.

Жалпы биыл облыста «Нұрлы жер» бойынша 439 пәтерлі 4 үй бой көтеріп, қолданысқа берілген. Келер жылы тағы 9 баспана салу жоспары тұр.