Өскемендегі Нұрсұлтан Назарбаев даңғылына Абай өлеңдері жазылған аялдамалар орнатылады, деп хабарлайды Алтайньюс.
Қала әкімі Жақсылық Омар жұмыс барысымен танысты. Даңғыл бойына түр-түсі бірдей 8 аялдама орнатылады: жетеуі – 5 метрлік, 10 метрлік бір аялдама "45-гастрономға" қойылады.
Кеше жұмысқа кіріскен мердігерлер келесі аптаға дейін аялдамалар толық орнатылады дейді.
"Естеріңізде ме, Катонқарағайға еліміздің түкпір-түкпірінен суретшілер арнайы келіп, Алтайдың табиғатын кескіндеген. Сондағы картиналарды аялдамаларды сәндеуге пайдалануға болады. Абай өлеңімен де әдемі астасар еді. Сондай-ақ қала тұрғындары Шығыс өңірінің ең бір тұмса табиғатын күнде тамашалап жүрер еді", – деді Жақсылық Омар.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
