Өскеменде екі жігіт кеңсе сейфін бұзып, 94 млн теңгені ұрлап кеткен

245

Өскемен қаласында кеңсе сейфін бұзып, 94 млн теңгені ұрлап кеткен екі жігіт ұсталды, деп жазады inbusiness.kz сайты.

Өскеменде екі жігіт кеңсе сейфін бұзып, 94 млн теңгені ұрлап кеткен Фото: ШҚО ПД

ШҚО полиция департаменті баспасөз қызметінің мәліметіне сүйенсек, екі ер адам қаладағы кеңселердің бірінен ірі көлемде ақша ұрлаған.

"Ұрлық фактісі бойынша полицияға арыз түсті. Жәбірленушілер белгісіз біреулердің кеңседегі сейфті бұзып, 94 миллион теңгені жымқырғанын жеткізді. Ұрылар қылмыс орнынан кету жолдарын алдын ала ойластырып алған", - делінген ақпаратта.

Олар өзенге жеткен соң үрлемелі қайықпен қаланың басқа аймағына жүзіп өткен.

Осылайша қашып құтылмақ болады. Бірақ ойлары іске аспады.

"Полиция қызметкерлері бірнеше күнге созылған жедел іздестіру шараларының нәтижесінде, 45 және 38 жастағы екі күдіктіні ұстады. Ер адамдар сот санкциясымен қамауға алынды. Олардың тұрғылықты жерінен заттай айғақтар – қайық пен ұрланған қаражат тәркіленді. Тергеу амалдары жүргізілуде", - делінген хабарламада.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу