120 орындық мекемеде 1,5-18 жас аралығындағы балаларға емдік дене шынықтыру, оқыту-әдістемелік және еңбек терапиясы арқылы ем шара жүргізіледі, деп хабарлайды inbusiness.kz қалалық әкімдікке сілтеме жасап.
Ең бастысы - мұндағы қызметтің бәрі тегін. Бұл ерекше бала тәрбиелеп отырған ата-аналар үшін үлкен демеу. Өйткені бүгінде жекеменшік бағыттағы осындай орталықтардың бағасы удай. Науқас бүлдіршіндерді қалыпты өмірге үйрететін педагогтар Алматыда және Ресейде біліктіліктерін шыңдап келген.
"Бұрын мысалы, біз сабақты карусель ретінде жүргізетінбіз, яғни балалар үш топқа бөлінеді де кезек-кезек кабинетте жүретін. Қазір біз кәдімгідей сабақ кестесін құрдық, ол жерде балалар толыққанды қырық минут сабақ өтеді, одан кейін бәрі жоспар бойынша жүретін болды", - дейді орталық әдіскері Жадыра Садықова.
