Мұндай суыққа техника шыдас берер емес, деп жазады inbusiness.kz 24.kz телеарнасына сілтеме жасап. Сондықтан автобустардың 20-30 проценті желіге шықпай қалды. Бірінің жанармайы қатып жатса, енді бірінің есіктері істен шығып жол ортадан тоқтауға мәжбүр. Автопарк ұжымы көліктерді қайта-қайта жылыту тұрағына апарып, түрлі амал жасап әуре. Ал аялдамада жаураған халық көп. Кейбірі діттеген жеріне жету үшін автобусты жарты сағаттап күтуде. Салалық мамандар болса, тұрғындарға арнайы қосымша көмегіне жүгінуге кеңес береді.
"Қазіргі таңда автобустардың жолға шығуы Өскеменде 65-56%-ті құрап отыр. Өскемен қаласының тұрғындарына бір жаққа шығуды жоспарлаған болса, Oskemen bus қосымшасы арқылы, сол қосымшаны қарап барып, аялдамаға шығуды сұраймын", - деді қалалық жолаушылар тасымалын басқару орталығының директоры Амантай Бақыт.
