Өскеменде қысқы дрифт бойынша Drift Battle қала кубогы өтеді, деп хабарлайды altaynews.kz.
Дрифт – экстремалды-жылдамдықты автоспорттың бір түрі. Бұл сайыста көлік жүргізушісінің шеберлігі сынға түспек. Шабандоздарға қойылатын шарт – небір қиылыс пен қалтарыста рөлді емін-еркін басқарып, автомобильдің күшін, жылдамдығын бақылауда ұстау.
Сайысты ШҚО бойынша АвтоМото спорт федерациясы "Жауынгерлік классика" қоғамдастығымен бірлесіп өткізеді. Биылғы жарыстың жаңалығы – жұптық дрифт, яғни қысқы трассаға екі көлік қатар шығады.
Жарыс 23 ақпанға жоспарланып отыр. Ұйымдастырушылардың айтуынша, бұл күні көрермендерді межелі жерге жеткізетін арнайы таксилер жұмыс істейді.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
