Алдыңғы жылдары қаланың жолдары мен қиылыстарына орнатылған бейне-кешендер өз "жемісін" бере бастады. Шығыс Қазақстан облысы әкімінің орынбасары Марина Гагарина камералардың жұмыс нәтижелері туралы баяндады, деп хабарлайды altaynews.kz.
"Сергек" камералары жол қозғалысы ережелерінің бұзылуын ғана емес, сондай-ақ, қылмыстардың ашылуына да көмектеседі. 2019 жылы олардың түсірілімінің арқасында полиция 840-тан астам әкімшілік құқық бұзушылық пен үш қылмыстық құқық бұзушылықтың бетін ашты. Жыл басынан бері камералардың көмегімен 700-ден астам әкімшілік құқық бұзушылық және екі қылмыстық құқық бұзушылық анықталды", – деді Марина Гагарина.
Сонымен қатар, оның айтуынша, "Серек" камераларының жұмысы кезінде Шығыс Қазақстан облысының бюджетіне төленген айыппұлдардан 107 миллион теңге түскен.
