ЖОО студенттері қала сәулетіне қатысты өз жобаларын ұсынуға мүмкіндік алды, деп хабарлайды altaynews.kz.
Өскеменде студенттер арасында үздік сәулеттік жоба байқауы жарияланды. Байқау үш номинация бойынша өткізіледі: "Шағын сәулеттік формадағы ең үздік жоба", "Тұрғын үй, қоғамдық мақсаттағы ғимараттың ең үздік жобасы" және "Ең үздік қала құрылысы жобасы".
Жеңімпаз атанған студенттерге қаржылай сый-сияпат табысталады. Бірінші орынға – 130-дан 360 мың теңгеге дейін, екінші орынға – 75-тен 200 мың теңге аралығында, үшінші орынға – 45-тен 100 мың теңгеге дейін сыйақы тағайындалған. Байқаудың жалпы жүлде қоры – 5 миллион теңге.
Жұмыстарды қабылдау 15 наурызға дейін жалғасады. Байқаудың шарттары туралы толығырақ мәліметті Өскемен қаласы әкімдігінің ресми сайтынан алуға болады.
