ШҚО жолаушылар көлігі және автомобиль жолдары басқармасы "Қоғамдық көлікте жол жүру ақысын және бақылаудың автоматтандырылған жүйесін енгізу және сүйемелдеу" жобасының бастау алуға жақын екенін мәлімдеді, деп хабарлайды kaz.altaynews.kz.
Жобаның негізі – қоғамдық көлікте жол жүру үшін ақы төлеу мен бақылаудың автоматтандырылған жүйесін пайдалану және басқару, сондай-ақ қаладағы қоғамдық көліктерді диспетчерлендірудің ақпараттық жүйесін енгізу болып отыр.
"Өскеменнің барлық қоғамдық көліктері электронды билеттендіру жүйесіне көшеді. Жобаның жалпы құны 1 млрд теңгені құрап отыр. Оның ішіне бюджет есебінен бөлінген қаржы мен және жеке қаржы кіреді", – дейді қалалық ТҮКШ бөлімінің басшысы Руфат Акрамов.
Қоғамдық көліктердегі қызмет сапасын арттырып, барынша заманауиландыруды мақсат еткен жоба 11 жылға жалғасады деп жоспарлануда.
