Осы аптада Германия компаниялары Астанаға келеді

192

Шараға 30-дан астам неміс компаниясы қатысады.

Осы аптада Германия компаниялары Астанаға келеді Фото: Kazinform

Биыл 15-16 мамырда Германия экономикасы шығыс комитетінің бизнес делегациясының Астанаға сапары жоспарланған, деп хабарлайды inbusiness.kz сайтының тілшісі.

Сапарға орай Берлин Еуразиялық Клубының (БЕК) отырысы өтеді және оған ҚР Премьер-Министінің бірінші орынбасары Роман Скляр және Сыртқы істер министрінің орынбасары Назира Нұрбаева қатысады.

"Іс-шараға Германия экономикасы Шығыс комитетінің басқарма төрағасы Катрина Клаас-Мюльхойзер бастаған 30-дан астам неміс компаниясы (энергетика, машина жасау, тау-кен өнеркәсібі саласында) қатысады. Берлин клубы 2012 жылғы 7 ақпанда құрылған. Клубтың жұмысы ашық пікір алмасу және ұсыныстар әзірлеу мақсатында екі мемлекеттің саясаткерлері, сарапшылары, бизнесмендері арасындағы тұрақты өзара іс-қимылға бағытталған", - деді Сыртқы істер министрлігінің ресми өкілі Айбек Смадияров министрлікте өткен апталық баспасөз мәслихатында.

Telegram
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ Ең соңғы жаңалықтар осында
Жазылу
Telegram арнамызға жазылыңыз! Жаңалықтар туралы бірінші біліңіз
Жазылу