Осы аптада Қазақтелеком акциялары арзандады
Аптаның басында "Қазақтелеком" акциялары бәрінен көп арзандады, деп хабарлайды LS
Қазақстандық қор биржасындағы (KASE) сауда қорытындысы бойынша телекоммуникациялық компанияның құнды қағаздарының бағасы 5,85%-ға арзандап, 26 455 теңгеден саудалануда.
Сондай-ақ "ҚазТрансойл"-дың акциясы 1,3%-ға (1382,01 теңге) және KEGOC-тың акциясы 0,5%-ға (1596 теңге) арзандады.
Сонымен қатар төрт эмитенттің құнды қағазы жасыл аумақта болды.
Халық банктің акциялары едәуір өсті (+3,5%). Қазір олар сауда алаңында 103,3 теңгеден саудаланып жатыр. KAZ Minerals (+1,5%) және Kcell (+1,05%) акциялары да оң динамика көрсетті. Олар 3016 және 1819,94 теңгеден саудалануда. ЦентрКредитБанк акциялары шамалы өсім көрсетті. Апта басынан бері 0,004%-ға қымбаттап, биржада 240,02 теңгеден саудалануда.
Жыл басынан бері KASE индексінің көрсеткіші 0,3%-ға төмендеп, 2311,8 көрсеткішінде нығайды.
