23-26 мамыр аралығында Қырғызстанның Бішкек қаласында ат спортынан әлем кубогі кезеңі ұйымдастырылды. №1 конкур бойынша сынға түскен қазақстандық спортшы Ержан Қорабай турнир жеңімпазы атанды, деп хабарлайды Olympic.kz.
Екінші және үшінші орынды өзбекстандық спортшылар Абдурахмон Абдуллаев пен Иброхим Шокировтер еншілеген.
Сондай-ақ, қазақстандық Александр Тишков те турнир жеңімпаздарының қатарында. Ол қырғыз және өзбек спортшыларын артта қалдырды.
Әлем кубогі кезеңіне негізінен Қазақстан, Қырғызстан және Өзбекстан спортшылары қатысты. Аталған турнир Орталық Азиядағы үздік спортшыларды және 2020 жылғы әлем кубогінің финалистерін анықтау мақсатында өткізілген.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
