Аралас жекпе-жектен қазақстандық файтер Арман Оспанов Ресейдің Санкт-Петербург қаласында өткен ACB 61 турнирінде қарсыласы жапондық Таичи Накаджиманы (12-7-1 MMA; 2-1 ACB) екінші раундта нокаутқа түсірді. Бұл туралы Vesti.kz хабарлайды.
Қазақстандық спортшы бірінші раундта сақ жүрді, бірде қылғындыру әдісін де қолданып көрді. Алайда 28 жастағы жапон айлаға түспей жүрді. Ал екінші раундта Оспанов бірден шабуылға көшіп, қарсыласын айналып келіп теуіп, нокаутқа түсірді. Айта кетейік, Арман Оспанов бұл АСВ турнирінде бірінші жеңісіне қол жеткізіп отыр. Ол ММА аясында 7 кездесу өткізіп, жетеуінде де жеңіске жеткен. Биыл қазақстандық ACB лигасымен 4 жекпе-жекке келісімшарт жасасыпты.
БІЗДІҢ ТЕЛЕГРАМ АРНАМЫЗҒА ҚОСЫЛЫҢЫЗ
Ең соңғы жаңалықтар осында
Жазылу
