DOW J 24 580,91 Hang Seng 24 266,06
FTSE 100 6 045,69 РТС 1 215,69
KASE 2 273,10 Brent 36,55
Отандық ғалымдар сынақтан өткізген бидайдың жаңа сұрпы мол өнім берді

Отандық ғалымдар сынақтан өткізген бидайдың жаңа сұрпы мол өнім берді

Қазақ жерінде шағын ғана егін алқабынан мол астық алуға болатыны ғылыми дәлелденді.

10 Қаңтар 2019 14:25 803

Отандық ғалымдар сынақтан өткізген бидайдың жаңа сұрпы мол өнім берді

А.Бараев орталығының ғалымдары Ақмола облысы, Шортанды ауданының «Научный» ауылында бидайдан бір гектардан 46,5 центнер өнім алуға қол жеткізді, деп хабарлайды abctv.kz.

«Бараев атындағы Астық шаруашылығы ғылыми-өндірістік орталығының» қатты бидай зертханасының қызметкерлері 2018 жылы «Дамсинская 2017» сортынан 46,5 центнер өнім алды. Мұндай нәтижеге жету жолында орталық қызметкерлері бірнеше жыл жұмыс жасаған көрінеді.

Зерттеу жұмыстары 2015 жылы басталған болатын. Қорытындылары бүгін хабарланды.

Бір айта кетерлігі, жаңа сорттың ерекшелігі сол, оның төзімділігі жоғары. Еліміздің солтүстік өңірлерінде өсіруге арналған бұл сорт ауа және топырақ құрғақшылығына қыңқ етпейді, шыдайды. Минералды тыңайтқыштармен ылғалдандырған жағдайда мол өнім береді. Ол экологиялық жаздық далалық түрге жатады.

«Дамсинская 2017» сорты шикі протеин мен ақуыздылығының тұрақты құрамымен ерекшеленеді. Макарон түсі және жалпы бағалау бойынша стандартты көрсеткіштен асып түседі.

Экологиялық сұрыпты сынау бұған дейін Солтүстік Қазақстан облысында да жүргізілген екен. Онда «Дамсинская 2017» әр гектардан 46,3 центнер астық берді.

Еске сала кетейік, Ақмола облысының Шортанды ауданында орналасқан А.Бараев атындағы астық шаруашылығы ғылыми-өндірістік орталығында былтыр жаздық бидайдың да өнімділігі 2,5 есе артып 25,5 центнерге жетті.

Салыстыру үшін айтсақ, ауыл шаруашылығы министрлігінің мәліметі бойынша, өткен 2018 жылы Қазақстанда астық әр гектарынан небары 15,1 центнерден айналған.

inbusiness.kz-ті қараңыз, оқыңыз :

Қаңтар айында ғылым саласына 1 млрд теңгеден астам қаржы бөлінді

Инвестиция көлемі бойынша Атырау облысы көш бастап тұр.

26 Ақпан 2020 12:35 199

Қаңтар айында ғылым саласына 1 млрд теңгеден астам қаржы бөлінді

2020 жылдың қаңтар айында кәсіби, ғылыми және техникалық салаға 1,18 млрд теңге бөлінді, деп хабарлады Finprom.kz.

2018 жылдың қаңтарында аталған секторға 1,31 млрд теңге қаржы қарастырылған еді.

Ал 2019 жылы ғылымға 71,38 млрд теңге бағытталған. Бұл еліміз бойынша жалпы инвестицияның 0,6%-ы. 2018 жылы аталған салаға 43,24 млрд теңге қаржы құйылды.

Инвестиция көлемі бойынша Атырау облысы көш бастап тұр. Мұнайлы өлкеге 422 млн теңге қаржы салынған.

Келесі сатыда Қызылорда облысы. Үздік үштікті Алматы қорытындылайды.

Жалпы бөлінген қаржының 86,8%-ы – жеке қаражат, 2,8%-ы – жергілікті бюджет есебінен, 10,4%-ы өзге де көздерден бөлінді.

Елімізде білім саласын инвестициялау аздап артқан

Инвестицияның өсімі республикалық бюджет есебінен орындалуда.

17 Ақпан 2020 12:28 203

Елімізде білім саласын инвестициялау аздап артқан

Қаржыландырудың басқа көздері арқылы инвестициялық белсенділік төмендеген. finprom.kz мәліметінше, білім саласына салынған барлық инвестицияның 50%-ына жуығы үш аймаққа ғана тиесілі.

2019 жылдың қаңтар-желтоқсан айында Қазақстанда білімге салынған инвестициялар көлемі 212,1 млрд теңгені құрап, 2018 жылдың сәйкес кезеңімен салыстырғанда 3,5%-ға өскен. Алайда бұл сома 2014–2017 жылдар аралығымен салыстырғанда аз.

Елдегі инвестициялардың жалпы көлеміндегі білім беру саласына салынған инвестициялардың үлесі 2018 жылы 1,8%-дан 2019 жылы 1,7%-ға дейін төмендеген.

2019 жылы республикалық бюджеттен бөлінген қаражаттың 37,7%-ға (22 млрд теңге), яғни 80,5 млрд теңгеге дейін ұлғаюы білім саласына салынған инвестициялардың өсуінің негізгі факторы  болды. Қаржыландырудың басқа көздерінің азаюы байқалады.

Жергілікті бюджеттен білім саласына 74,7 млрд теңге бөлінді, бұл 2018 жылдың сәйкес кезеңінен 7,2%-ға аз. Ал бизнестің жеке қаражаты 1,5%-ға төмендеп, бір жылда 54,4 млрд теңгені құрады. Білім беруге тартылған  қарыз қаражаттың қысқаруы 26,5%-ды құрады, 1,9 млрд. Банктердің берген несиелері 2018 жылы 8,1 млрд теңгеден 637,6 млн теңгеге дейін азайды.

2019 жылы Қазақстанның білімі мен ғылымының жаһандық бәсекеге қабілеттілігін арттыру, жалпы адамзаттық құндылықтар негізінде жеке тұлғаларды оқыту мен тәрбиелеу, сондай-ақ елдің әлеуметтік-экономикалық дамуында ғылымның үлесін арттыру мақсатында Қазақстан Республикасының білім және ғылымды дамытудың 2020–2025 жылдарға арналған мемлекеттік бағдарламасы қабылданды.

Бағдарлама аясында 2025 жылға қарай ғылым саласына жұмсалатын шығын көлемін жалпы ішкі өнімнің 1%-на дейін жеткізу жоспарлануда. Оның 0,34%-ы республикалық бюджеттен және бірлескен қаржыландыру көздерінен алынбақ, ал 0,66%-ы жеке инвестицияларды тарту арқылы келеді деп жоспарлануда.

Өңірлік тұрғыдан алғанда, білім саласына салынған ең көп инвестиция елордада байқалады: 40,7 млрд теңге, бір жылда 35,1%-ға өскен. Екінші орында Алматы облысы тұр, оған салынған инвестициялар көлемі екі есеге артып, 32,3 млрд теңгені құрады. Түркістан облысы алдыңғы үштіктің соңында: 32,3 млрд теңге, бір жыл ішінде 41,8%-ға ұлғайған.

Білім саласына салынған инвестиция көлемі бойынша ТОП-5 қатарына Алматы (24,1 млрд теңге) мен Атырау облысы (8,5 млрд теңге) кірді.

Білім саласына салынған ең аз инвестиция Маңғыстау (3,4 млрд теңге), Қызылорда (4,4 млрд теңге) және Павлодар (4,7 млрд теңге) облыстарына тиесілі.

Жаңалықтарға жазылу: