/img/tv1.svg
RU KZ
FTSE 100 5 415,50 РТС 1 049,88
DOW J 21 056,82 Hang Seng 23 747,28
KASE 2 205,19 Бидай 555,00
Отандық тауар өндірушілер реестрі жасалуда

Отандық тауар өндірушілер реестрі жасалуда

Алматы қаласында бойынша тізімге 500 компания кірген.

26 Наурыз 2020 17:25 68

Отандық тауар өндірушілер реестрі жасалуда

Қазіргі кезде кәсіпкерлерді қолдау мақсатында отандық тауар өндірушілер реестрі жасалуда, деп хабарлады Алматы қаласы кәсіпкерлер палатасының директоры Нариман Әбілшайықов.

«Отандық тауар өндірушілер реестрі әзірленуде. Болашақта олар мемлекеттік сатып алуға қатыса алады. Қазіргі кезде мемлекеттік сатып алу нарығы 4 трлн теңге шамасында. Егер біз дер кезінде импортты алмастыру мәселелерін шешсек, бұл отандық өндірушілерге үлкен мүмкіндіктерге жол ашады», – деді Алматы қаласы кәсіпкерлер палатасының директоры.

Сонымен қатар Нариман Әбілшайықов осы уақытқа дейін Алматы қаласында отандық өнім шығаратын компаниялар реестірі жасалғанын хабарлады.

«Біз Алматы қаласындағы отандық тауар өндірушілер реестрін жасадық. Оған 500 компания кірді. Олардың барлық сертификаттары бар. Нәтижесінде отандық өндірушілер шығаратын 12 мың тауар тізімі жасақталды. Болашақта «Самұрық-Қазына» ұлттық әл-ауқат қоры» және жергілікті атқарушы органдар осы тізіммен жұмыс істейді деп үміттенемін», – деді Нариман Әбілшайықов.

inbusiness.kz-ті қараңыз, оқыңыз :

Нұр-Сұлтанда өңірлік ауылшаруашылық өнімдерінің жәрмеңкесі өтеді

Жәрмеңке наурыз-сәуір айларының соңына дейін аптаның әр сенбі, жексенбі күндері ұйымдастырылады.

03 Наурыз 2020 14:32 109

Нұр-Сұлтанда өңірлік ауылшаруашылық өнімдерінің жәрмеңкесі өтеді

7, 8 наурыз күндері «Аспар базар» сауда үйінде өңірлік ауылшаруашылық өнімдерінің жәрмеңкелері өтеді, деп хабарлайды қала әкімдігінің ресми сайты.

Жәрмеңкеде Қарағанды, Ақмола және Павлодар облыстарының өнімдері ұсынылады және өндірушілер бағасымен сатылады. Атап айтсақ, картоп, пияз, сәбізді – 85 теңгеге, қырыққабатты – 100 теңгеге, сиыр етін – 1700-1800 теңгеге сатып алуға мүмкіндік бар .

Жәрмеңке наурыз-сәуір айларының соңына дейін аптаның әр сенбі, жексенбі күндері өтеді.

Елордада қысқы ауылшаруашылық жәрмеңкелері өтеді

Жәрмеңке әрбір сенбі және жексенбі күндері «Зейд» сауда үйі эко-базары, «Аспан базар» сауда үйі алаңында өткізіледі.

23 Қараша 2019 12:13 609

Елордада қысқы ауылшаруашылық жәрмеңкелері өтеді

 

23 қарашадан бастап әр апта сайын сенбі және жексенбі күндері елорда мен еліміздің өңірлерінен келген тауарөндірушілер қатысатын қысқы ауылшаруашылық жәрмеңкесі өтеді, деп хабарлайды қала әкімдігінің ресми сайты.

Жәрмеңке әрбір сенбі және жексенбі күндері «Зейд» сауда үйі эко-базары алаңында (Ш.Уалиханов және Ағыбай батыр көшелерінің қиылысында) және «Аспан базар» сауда үйі (Қошқарбаев к-сі 37,  Жұмабаев көшесінің қиылысы) мекенжайыларында өткізіледі.

Жәрмеңкеде жеміс-көкөніс өнімдері, сиыр еті мен жылқы еті, құс еті, сүт және балық өнімдері республиканың өңірлеріндегі тауар өндірушілердің бағалары бойынша сатылады.

Жаңалықтарға жазылу: