2021 жылы 179 мыңнан астам тұрғын үйді сатып алу-сату мәмілесі жасалған. Зейнетақы жинақтарының көмегімен тұрғын үйді сатып алу-сату бойынша ең ірі мәміле 162 млн теңге сомасында болды.
Бұл туралы Орталық коммуникациялар қызметінде өткен брифингте "Отбасы банкі" АҚ басқарма төрайымы Ләззат Ибрагимова айтты, деп хабарлайды inbusiness.kz.
"Зейнетақы жинақтары есебінен тұрғын үй сатып алу бойынша ең ірі мәміле 162,4 млн теңгеге жасалды. Яғни, бұл бұрынғысынша премиум-класс санатындағы баспана", – деді "Отбасы банкі" басшысы.
Оның айтуынша, ең аз мәміле бір млн теңгеден аспайтын сомаға жасалған. "Сірә, бұл нысан ауылда немесе облыс орталығында болуы мүмкін", - деді Ләззат Ибрагимова.
Ол сондай-ақ 2021 жылы сатып алу-сату операцияларының саны өткен жылғы көрсеткіштен айтарлықтай асып кеткенін атап өтті.
"Бүгінгі таңда 179 192 транзакция ипотекасыз жүргізілді. Бұл толықтай тұрғын үй сатып алу шарты болды", – деді спикер.
