Алексей Милюк 2009 жылы қабылданған "Тұрмыстық зорлық-зомбылық профилактикасы туралы" салалық заң атқарылып жатқан шаралардың құқықтық негізі екенін атап өтіп, құжатқа министрліктің бастамасымен 12 рет өзгеріс пен толықтырулар енгізілгенін айтты.
"Тұрмыстық зорлық-зомбылық профилактикасы туралы" салалық заң
полицейлердің өкілеттігін кеңейтті. Полиция қызметкерлеріне тұрмыстық зорлық-зомбылық жасау қаупі туған жағдайда жәбір көрсетушіге жәбірленушіге жақындауға, онымен кез келген тәсілмен, оның ішінде телефон арқылы сөйлесуге тыйым салу құқы берілді. Мұндай шектеудің қолданылу мерзімі 1 айды құрайды. Бұл шара арнайы қорғау нұсқамасы ретінде рәсімделеді. Тыйым салу мен шектеуді бұзған адам бір тәулікке әкімшілік қамауға алынады мүмкін. Тұрмыстық жанжал кезінде ұрып-соғу немесе жеңіл дене жарақаты болса, құқық бұзушыға 10-15 тәулікке дейін әкімшілік қамауға алу түрінде қатаң жаза қолданылуы мүмкін", – деді Алексей Милюк.
Қанат Махамбет
